「食人一口，還人一斗」
食人一口飯，用一斗e米，一家人食一個月e量，來報答人e 恩情。Ti 報紙有報導下面e 故事。
約60 年前，ti 台灣e社會，交通來往主要是用火車。有一個少年人因為san，常常無買車票偷坐車。後來伊大漢有錢，就將一筆真大e錢寄回鐵路局做伊以前無錢偷坐車e補償。就是「食人一口，還人一斗」。
Ti高雄有一個寡婦，無kiann 兒，因為火燒厝，伊所有e 物燒了了，社會救濟伊淡薄幫贊伊生活。後來伊做麵店a，e-tang 生活khah 好。當台灣1999 年9 月21 日大地動，伊也捐出幾十萬khoo 銀來幫贊hiah -e 受災難e 人。伊就是得tioh 社會一koa 幫贊，當khah 有氣力e時，也來幫贊其他e 人。Che 嘛是「食一口，還人一斗」。
Ti美國，有一個青年人，幾個月厝裡無供應伊e 生活費用。伊e lak 袋么已經袋磅子。當伊用公用電話phah tng 去厝討救兵e時，chiah 知因為父母seng li 失敗，無錢thang 繼續供應，chhun e 一個月beh an choann 發落來過？」當teh 想e時，電話失能，lok 落去e 錢soah koh lak 出來，m- na an-ni , koh 繼續lak koh - khah choe 銅錢a，總共有七八khoo 銀，有夠額伊一禮拜e食物。不過，伊想chit -e 錢應該是電話公司e錢，就將chit - e事ng 電話公司報告，電話公司ai伊將chiah e錢kok ka lok 入去電話機內底。無phah 算，錢照常koh lak 出來。了後電話公司講，無時間馬上派人去收錢，kap 修理電話；Chiah e錢就算電話公司送ho你。後來，伊就去chhoe臨時頭路。Ti應徵e 時，無意中講出這趣味sim -sek e tai-chi 。對方聽了，就決定chhiann 伊，因為伊誠實可靠。後來伊大學畢業，事業成功，幾十年後，伊奉獻幾百萬美金ho電話公司，講感謝電話公司ti伊困難e 時e幫贊。雖然是小khoa e 幾khoo 銀，實在是伊一生e 轉機。電話公司認為將chit e錢入賬無妥當，會辜負伊e好意，就將chiah e 錢，又koh theh 出siang 數目e 錢作夥做基金，做幫贊社會san-chhiah 人e路用。