尚思念的一個人

    各位評判老師，各位囝仔兄，各位囝仔姐，大家好！我今仔日所要演講的題目是：「尚思念的一個人」。我尚思念的一個人，是阮舅公，阮舅公，人攏講伊老古錐，又真得人痛（愛），伊常常念講：

   「無日呣知午；無鬚呣知老；

    像我七十將要到；抑呣認老鬚無留！」

意思是：

「那無日頭呣知中午已經到了；那無留鬍鬚呣知他是老人；

  像我七十將要到了；所以我無認老鬍鬚也無要留！」

    阮舅公伊詳愛選舉，攏導候選人一家一家去拜訪，卡人講：「拜託！拜託！選伊一票！」那個人若當選，伊就；歡頭嘻面！嘴笑目笑！那個人若落選，伊就；目頭結結！面憂憂！心肝攏未清！

    若有選舉的政見場，伊攏愛導我去，我攏看伊很興奮又激動，台上的人若說：「恁講好嘸？」阮舅公就大聲應：「好！」台上的人若問：「使我當選好嘸？」阮舅公就雙手搖旗阿，大聲講：「當選！當選！」 有時候又聽伊說：「哈！哈！作戲的要息；看戲的呣息」。

    聽說有一次阮舅公伊騎烏都醜去高雄，無戴安全帽仔，使警察截下來，警察呷伊講：「行照（用國語讀音）（先走）」伊機車一騎就要跑，警察卡伊說：「你是按怎欲騎走？」阮舅公卡警察講：「你不是叫我行照（先走）？」警察卡伊講：「不是先走，是行照；行車執照、駕照！」阮舅公講：「喔！」拿行照、駕照給警察看，阮舅公的駕照真舊阿，阮舅公伊姓林，警察看未清楚就問阮舅公：「你林什麼？（飲什麼？） 」阮舅公頭殼抓抓；歹勢歹勢說：「我甘若飲啤酒（米魯）領！」警察卡伊講：「不是問你林什麼？（飲什麼？）我是問你叫什麼 ？」阮舅公擱歹勢歹勢說：「我甘若叫魯蛋和香腸領！」害那個警察笑卡差一點阿 漏下巴（ㄏㄞˇ），叫 阮舅公緊去，不欲卡你罰啦！你看阮舅公有古錐無？

    阮舅公常常來學校做志工，幫忙學校割草、剪樹枝，有一次跟阮校長在說話e時，忽然間對校長說：「校長！失禮！我要趕緊去拼經濟！」校長說：「拼什麼經濟？」阮舅公對校長說：「20、23、25一定（ㄉㄧㄡ）啦！」害阮校長笑卡跋跋倒（Poa-Poa倒）。

    阮舅公若是看到我，常常卡我講：     啊，你要卡認真讀書，

不可：「少年未曉想，食老就不成樣」；

又卡我講：「學壞免三天；學好一世人」。

    去年阮舅公出去買菜，使卡車撞到送去榮總，已經未付啊！逐次我若想著阮舅公，我攏會想著他雙手搖旗阿，大聲講：「當選！當選！」，卡他對我講的話：「少年未曉想，食老就不成樣」。 

    我的演講到遮，多謝！