「推銷」
猴三阿:人講坐車著看風景,坐船著看海湧,抑若今ㄚ日著看台頂。
斤蕉e:請恁腳尾徒(soa2)互在,椅仔毋通坐歪歪;
猴三阿:恬恬聽阮落下頦,互恁福氣大發財。
猴三阿、斤蕉e:猴三阿、斤蕉e雙腳徛齊齊,
來給大家行一個禮!望咽痛惜來作伙
猴三阿:斤蕉e人講今阿日是一個新世紀,好歹水果是無地比,只有推銷咱自己,
才有出頭的日子。
斤蕉e:嘿!你在講什麼?你是「未飲假醉,未講就大心氣」
猴三阿:無啦!我是在說推銷啦!各項代誌攏要推銷,你看選舉若到,候選人相獒推銷咽自己。
斤蕉e:甘是按呢?壹號壹號,一張票一世情,台灣走透透,拍拚為台灣!
猴三阿:水啦!著是按呢啦!物件又卡要推銷,咱那去繞(se)夜市,有時你會看著王祿仔仙拍拳賣膏藥。
斤蕉e:什麼是王祿仔仙拍拳賣膏藥?
猴三阿:教到汝會,頭毛喙鬚白;講到汝捌、喙鬚好拍結,請你隨我來∼∼
斤蕉e:行!行!(走)人講無行boe出名。
(王祿仔仙甲、乙邊,快步入場)
王祿仔仙甲:(敲鑼)來來來,緊來緊看,慢來看一半,無來是無通看。
王祿仔仙乙:若是久年的內傷,抑是對樓跤跋落去到樓頂,摔到滿身傷痕,大空細
裂,免煩惱!若阮即塊祖傳的藥膏加貼落去,包汝無代誌!
王祿仔仙甲:(敲鑼)包汝無代誌!
王祿仔仙乙:來來來,迄位歐利桑,你若有老人嗽,久年的蝦龜喘嗽,攏呣是蝦會(什麼)大代誌!若阮即罐:鎮嗽還少丹加食落去
王祿仔仙甲:(敲鑼)免煩惱!包汝:「隱龜的隨「直」去,跛跤的隨「行」去,青盲的隨「光」去,藥到命除,一服見效」。
(王祿仔仙甲、乙邊小聲敲鑼,快步退場)
斤蕉e:蝦會(什麼)啊?「藥到命除」?即款仙丹我哪敢食落去!
猴三阿:斤蕉e你看王祿仔仙遐獒推銷咽自己的藥品。所以咱碼愛推銷咱高雄縣
斤蕉e:對對對!咱高雄縣是一個真媠的好所在,
猴三阿你甘知影咱高雄縣有一市、三鎮、二十三鄉。
猴三阿:當然嗎知:一市(鳳山市)、三鎮(岡山鎮、旗山鎮、美濃鎮)、二十三鄉
斤蕉e:(打斷)好ㄚ好ㄚ好ㄚ,使你背到了,時間就去了了,喔!你真正是烏干
仔戴豆油無底看!
猴三阿:到搭(tann)你才知,恁某大koo呆!
斤蕉e:喂!你那罵人?你是皮再癢?
猴三阿:失禮!失禮!給你行一個禮。
斤蕉e:各位鄉親恁若來阮高雄縣,請恁要來去爬阮高雄縣的山(ㄕㄨㄚ) 。
猴三阿:高雄縣的山(ㄕㄨㄚ)有玉山(ㄕㄢ):台灣第一高的山(ㄕㄨㄚ);
旗山(ㄕㄢ)鎮的旗尾山(ㄕㄨㄚ);大社鄉的觀音山(ㄕㄨㄚ)。………
斤蕉e:對對對!特別是觀音山,它舊名叫墜 叫墜:
猴三阿:(輕敲一下) 叫墜:翠屏岩。
斤蕉e:對對對!猴三阿多謝你提醒,叫墜:翠屏岩,是阮高雄縣八景中的「翠屏夕(sek2)照(chiau2)」,就是指:觀音山黃分時,夕陽西(ㄒㄧ ㄝ)照的媠光景。
猴三阿:嘿(驚訝的表情)貓爬樹-毋成猴,你真是好厲害的紅螞蟻!
斤蕉e:無錯,歸叢好好,我也知高雄縣的水果,有旗山的今蕉、燕巢的棗阿,六龜的蓮霧、大樹的荔枝、是頂港有名聲;下港上出名。我也知……
猴三阿:等一下換我講:又有彌陀的虱目魚、永安的石斑,包你大碗閣滿意,互汝食甲,喙仔笑瞇瞇,腹肚佫圓圓圓。
斤蕉e:你若來阮高雄縣一面坐車看風景,一面沿路看海湧,有喫又有抓。這叫
做一兼二顧,摸蜊仔兼洗褲。
猴三阿:祝福咱在座的序大卡先生。
斤蕉e:身體勇健未輸少年家。
猴三阿:祝咱在座的囝仔兄、囝仔姐。
斤蕉e:知書閣答禮,人人儂愛卡恁作伙。
猴三阿、斤蕉e:感謝,感謝!後便比賽又再來作伙!